த்யானம் ! ஒரு எளிய அறிமுகம்

த்யானம் என்றால் என்ன? சயின்ஸ் வளர்ந்த இந்த நூற்றாண்டில்
த்யானம் தேவையா?
ஆன்மிகமும் மதமும் ஒன்றா?

ஆதி கேள்விகளான இவற்றிற்கு விடை காண விழைந்த பயணத்தில் கிடைத்ததை பகிர்கிறேன். 

தவறிருந்தால் திருத்துங்கள்!

பிடித்தால்?
வாங்க, தியானம் பழகலாம்!!

த்யானம் தெரிய நம் மனம், அதன் இயக்கம் பற்றி அடிப்படை புரிதல் தேவை.

கர்ப்பிணிகள், பலகீன இதயம் உள்ளவர்கள்  பயப்பட வேண்டாம்!
மிக எளிய உதாரணம் மூலம் பார்க்கலாம். முதலில் Mental Diarrhoea.

டயரியா, வயிற்றுப் போக்கு தெரியும். அதென்ன, மென்டல் டயரியா?
மனப் போக்கா?! என்றால், ஆம் என்பதே பதில்.

மனம் என்பதன் இணைச் சொல் (synonym), எண்ணம். எண்ணங்களே நம்மை உருவாக்கி, வழி நடத்துகின்றன! ஆனால் அந்த எண்ணங்கள் நம் கட்டுப்பாட்டில் இருக்கிறதா என்றால், இல்லை என்பதே பதில்.

ஓரு சோதனை செய்யலாம், கண் திறந்து தான்!
சரியாக ஒரு நிமிடம் ஒரு கடிகார முள் நகர்தலை கவனியுங்கள். அல்லது, அலைபேசி stop watch ல் 60 வினாடிகள் ஓடுவதை உற்று கவனிக்கவும்.

கவனித்து விட்டீர்களா?

முழுமையாக கவனித்தவர்கள், முதுகில் ஷொட்டு வைத்துக் கொள்ளலாம்.

கடிகார முள் கவனிக்கும் போது எத்தனை பேருக்கு எண்ணங்கள் வந்தது? அதாவது, வீட்டு வேலை, மனைவி, நண்பர்கள், குழந்தை, ஹோம் ஒர்க், ரெகார்ட் நோட், சினிமா, IPL, பிடித்த பாட்டு, வெண்குழல் வத்தி அட! சிகரெட்டு தாங்க, ஸ்கூல், ரிசல்ட், பகார்டி, பிட்டு பட நடிகை என்று எண்ணங்கள் வந்திருந்ததா?

எத்தனை தினுசான எண்ணங்கள் வந்தது என்பதை பதிவிட்டால் நன்று.

மனதை உணர முதல் படி எடுத்து வைத்துவிட்டீர்கள். 

மகிழ்ச்சி.

(தொடரும்...)